Fréttir

Í vikunni hófu þær Eyrún og Dalrós starfsnám á skrifstofu Þroskahjálpar og munu ljá okkur krafta sína næstu vikurnar.

Laugardaginn 9. október fara fram landsþing Landssamtakanna Þroskahjálpar og ráðstefna um atvinnumál fatlaðs fólks sem ber titilinn Göngum í takt!

Landssamtökin Þroskahjálp hafa undanfarnar vikur staðið fyrir undirskriftasöfnun og nú hafa 6000 manns skrifað undir hana með áskorun um að yfirkjörstjórnir og samfélagið allt styðji við fatlað fólk í kosningum, tryggi óhindrað aðgengi á kjörstað og komi í veg fyrir fordóma.

Samkaup og Landssamtökin Þroskahjálp hafa skrifað undir samstarfsyfirlýsingu sem snýr að jafnréttisstefnu Samkaupa. Þroskahjálp fagnar þessu mikilvæga skrefi og þakkar Samkaupum fyrir að sýna samfélagslega ábyrgð í verki.

Dagana 19.-21. október 2021 fer fram 3 daga námskeið um Bjargráðakerfið BJÖRG.

Landssamtökin Þroskahjálp hafa opnað vefsvæðið Auðlesið.is, þar sem meðal annars er hægt að nálgast upplýsingar á auðlesnu máli, auðlesinn orðabanka og fræðast um auðlesið mál!

Landssamtökin Þroskahjálp buðu öllum þingflokkum Alþingis að hitta fulltrúa samtakanna, ræða áherslur og þau mikilvægu mál sem snerta hagsmuni og réttindi fatlaðs fólks.

Í kjölfar herferðar Þroskahjálpar, Ég kýs ekki, ákvað Reykjavíkurborg að opna sérstakt svæði inni á vefnum Betri Reykjavík. Þar verður hægt að senda inn ábendingar og reynslusögur vegna aðgengismála þegar kemur að því að kjósa.

Landssamtökin Þroskahjálp skora á íslensk stjórnvöld og flóttamannanefnd að fara sérstaklega yfir alþjóðlega samninga, þ.m.t. samning SÞ um réttindi fatlaðs fólks, lög og reglur til að tryggja að þau standi vel við allar skyldur sínar varðandi vernd og stuðning gagnvart fötluðu fólki.