Stefnuskrá Landssamtakanna Þroskahjálpar

Starf Landssamtakanna Þroskahjálpar er mannréttindabarátta

Stefnuskrá samtakanna byggir í grundvallaratriðum á alþjóðlegum mannréttindasáttmálum sem Íslendingar hafa undirritað.    Stefnuskrá samtakanna tekur mið af mannréttindum sem þorri íslensku þjóðarinnar nýtur nú þegar. Mannréttindi taka til allra manna.


Stefna Landssamtakanna Þroskahjálpar byggir á eftirfarandi grundvallaratriðum:  

• Virða ber manngildi, grunnþarfir og rétt allra manna.

• Fósturskimun skal beitt í þjónustu lífsins.

• Allir eiga rétt til að hafa áhrif á eigið líf og taka eigin ákvarðanir.

• Allir, sem þess þurfa, eiga rétt á stuðningi sem tekur mið af þörfum þeirra svo þeir geti notið jafnra tækifæra á við    aðra í samfélaginu.

• Allir eiga rétt á menntun við hæfi og án aðgreiningar.

• Allir eiga rétt á eigin heimili.

• Allt fullorðið fólk á rétt á að stofna fjölskyldu.

• Allt fullorðið fólk á rétt á vinnu.

• Allir eiga rétt á að njóta efnalegs öryggis.

• Allir eiga rétt á að njóta menningar og frístunda.

• Allir eiga rétt á að njóta efri ára með reisn.