Fréttir

Alvarlegum mannréttindabrotum lýst í skýrslu vistheimilanefndar um Kópavogshæli.

Fréttir 08.02.2017

Hvað geta íslensk stjórnvöld af þessu lært? Snemma árs 2008 sendu Landssamtökin Þroskahjálp forsætisráðherra bréf og óskuðu eftir að forsætisráðuneytið hlutaðist til um að fram færi opinber rannsókn á aðbúnaði fatlaðra barna á þar til gerðum stofnunum. Í bréfinu segir m.a.: „Óskað er eftir því að einkum verði skoðað hvort þau urðu fyrir hvers kyns ofbeldi á meðan á stofnanavistinni stóð og hvað það var í starfsemi stofnananna sem einkum stuðlaði að slæmu atlæti og ofbeldi.“ Samtökin ítrekuðu þessa beiðni sína, m.a. með bréfi sem þau sendu í september 2009.

Lesa meira

Með okkar augum tilnefnt til Edduverðlauna í fimmta sinn.

Fréttir 02.02.2017

Hinir sívinsælu þættir "Með okkar augum" þar sem dagskrárgerðarfólk með þroskahömlun varpar ljósi á hina ýmsu þætti samfélagsins á skemmtilegan og einstakan hátt, eru tilnefndir til Edduverðlaunanna fimmta árið í röð í flokki menningarþátta. Og ekki bara það heldur er Andri Freyr tilnefndur sem sjónvarpsmaður ársins.

Lesa meira

Fundur Landssamtakanna Þroskahjálpar og Rauða krossins um málefni hælisleitenda og flóttafólks.

Fréttir 01.02.2017

Formaður og framkvæmdastjóri Þroskahjálpar heimsóttu í morgun aðalskrifstofu Rauða krossins á Íslandi. Megintilgangur heimsóknarinnar var að fræðast um það mikilvæga starf sem Rauði krossinn á Íslandi sinnir í samstarfi við íslensk stjórnvöld við að tryggja hælisleitendum og flóttafólki á Íslandi þann stuðning og aðstoð sem það þarf svo nauðsynlega á að halda og á rétt til.

Lesa meira

Bréf Þroskahjálpar til alþingismanna í velferðarnefnd - Virkt samráð við fatlað fólk og nokkur mikilvæg réttindamál

Fréttir 30.01.2017

Landssamtökin Þroskahjálp hafa sent eftirfarandi bréf til allra alþingismanna sem sæti eiga í velferðarnefnd þingsins.

Lesa meira

Ný ríkisstjórn

Fréttir 11.01.2017

Landssamtökin Þroskahjálp óska nýrri ríkisstjórn velfarnaðar og vonast eftir góðu samstarfi við hana við að tryggja fötluðu fólki mannréttindi og tækifæri til sjálfstæðs og eðlilegs líf til jafns við aðra. Þar er mikið verk að vinna.

Lesa meira

Mistök við lagasetningu vegna notendastýrðar persónulegrar aðstoðar (NPA)?

Fréttir 29.12.2016

Í bráðabirgðaákvæði IV í lögum nr. 59/1992, um málefni fatlaðs fólks, hefur verið mælt fyrir um að félags- og húnsæðismálaráðherra skuli leggja fram frumvarp um að notendastýrð persónuleg aðstoð (NPA) verði „eitt meginform þjónustu við fatlað fólk.“ Alþingi samþykkti þetta ákvæði og setti í lögin fyrir 6 árum síðan, þ.e. árið 2010

Lesa meira

Samningur Sameinuðu þjóðanna um réttindi fatlaðs fólks 10 ára.

Fréttir 13.12.2016

Allsherjarþing Sameinuðu þjóðanna samþykkti ályktun 13. desember 2006 um samning Sameinuðu þjóðanna um réttindi fatlaðs fólks. Upphaf samningsins, ef svo má segja, er miðað við þann dag. Samningurinn er því 10 ára í dag, 13 desember 2016. Markmið samningsins eru að „efla, verja og tryggja full og jöfn mannréttindi og grundvallarfrelsi fyrir allt fatlað fólk til jafns við aðra, jafnframt því að efla og vinna að virðingu fyrir eðlislægri mannlegri reisn þess.“

Lesa meira

ALÞJÓÐLEGI MANNRÉTTINDADAGURINN 10. DESEMBER.

Fréttir 09.12.2016

Á heimasíðu Sameinuðu þjóðanna segir um mannréttindadaginn: Alþjóðlegi mannréttindadagurinn er haldinn 10. desember ár hvert. Þann dag árið 1948 var mannréttindayfirlýsing Sameinuðu þjóðanna samþykkt á allsherjarþingi þeirra. Þessi dagur er til þess að minna okkur á skyldu okkar til að standa vörð um mannréttindi og ekki aðeins mannréttindi okkar sjálfra, heldur mannréttindi alls fólks. Margir hafa áhyggjur af þróun heimsmála. Brot gegn grundvallarréttindum fólks eru enn algeng hvarvetna í heiminum. Öfgaöfl beita fólk hroðalegu ofbeldi. Áróður sem þrífst á fordómum og hatri dynur á fólki. Mannúð og mannleg gildi eiga undir högg að sækja. Við verðum að standa vörð um það mannle

Lesa meira

Ræða formanns á afmælishátið samtakanna.

Fréttir 03.12.2016

Formaður Þroskahjálpar sagði m.a. þetta um dóm í máli Salbjargar Óskar Atladóttur í ræðu sinni á afmælisráðstefnu samtakanna: „Hæstiréttur hefur nú komist að þeirri niðurstöðu að þessi mannréttindi sem fatlað fólk hefur samkvæmt regulgerð um þjónustu við fatlað fólk á heimili sínu og samkvæmt samningi Sameinuðu þjóðanna um réttindi fatlaðs fólks sem Ísland hefur undirgengist séu bara orðin tóm. Falleg en innihaldslaus orð! Ef stjórnvöld og dómstólar vilja ekki standa vörð um mannréttindi fatlaðs fólks verður Alþingi að bregðast strax við og gefa þeim með lögum skýr fyrirmæli um að gera það. Þessi dómur Hæstaréttar kallar á að lögum verði breytt til að þau standist kröfur samnings Sameinuðu þjóðanna um réttindi fatlaðs fólks. Til að tryggja það sem best þarf að taka samninginn í íslensk lög eins og gert var með barnasáttmála Sameinuðu þjóðanna.“

Lesa meira

MÚRBRJÓTUR LANDSSAMTAKANNA ÞROSKAHJÁLPAR

Fréttir 02.12.2016

Alþjóðadagur fatlaðs fólks er 3. desember ár hvert. Í tilefni af því og í tengslum við afmælisráðstefnu sem Landssamtökin þroskahjálp héldu samtökin 2. desember þar sem á þessu ári eru liðin 40 ár frá stofnun samtakanna veittu þau viðurkenningargrip sinn, Múrbrjótinn. Myndlistaskólinn í Reykjavík hlýtur Múrbrjótinn 2016 vegna diplómanáms í myndlist fyrir fólk með þroskahömlun og þess framlags sem í því felst í þágu jafnra tækifæra til náms og listsköpunar.

Lesa meira

62 63 64 65 66 67 68 69 70 71

Fréttir

Valmynd