Fréttir

Í Kjarnanum birtist grein eftir formann og framkvæmdastjóra samtakanna. Mann­rétt­indi eru til­tekin laga­leg rétt­indi sem er við­ur­kennt að eru öllu fólki svo mik­il­væg að þjóðir heims hafa komið sér saman um að öll ríki verði að gera það sem í þeirra valdi stend­ur til að tryggja að allir fái notið þess­ara rétt­inda, alltaf og alls stað­ar. Nils Muižnieks, mann­rétt­inda­full­trúi Evr­ópurásð­ins, var í heim­sókn á Íslandi fyrr í þessum mán­uði til að kynna sér ástand mann­rétt­inda­mála. Að lok­inni heim­sókn­inni ræddi hann við fjöl­miðla og sagð­ist þar furða sig á metn­að­ar­leysi Íslend­inga í mann­rétt­inda­mál­um. Hann sagði m.a.: „Ég tel Ísland vera auð­ugt land miðað við mörg þeirra landa sem ég hef komið til. Hér ríkir lýð­ræði og það á sér langa sögu hér og það kemur mér á óvart að þið hafið ekki sýnt meiri metnað við að axla þessa ábyrgð og stefna að fram­för­u­m.“

Landsamtökin Þroskahjálp ákváðu árið 2014 veita viðurkenningu fyrir lokaverkefni til B.A. – gráðu í þroskaþjálfafræðum við íþrótta-, tómstunda- og Þroskaþjálfadeild. Háskóla Íslands. Markmiðið var að vekja athygli á verkefnum sem væru framúrskarandi og til þess fallin að vekja athygli og stuðla að nýsköpun

Átak félag fólks með þroskahömlun stóð fyrir fundi með frambjóðendum til forsetakjörs. Þáttastjórnendur sjónvarpsþáttanna Með okkar augum stjórnuðu fundinum. Átta frambjóðendur mættu og voru umræður líflegar og skemmtilegar.

Átak félag fólks með þroskahömlun boðar til fundar með frambjóðendum til forseta, á Grand hótel Reykjavík, Hvammi, þriðjudaginn 21. júní kl. 15:20 - 17:40.

Að undanförnu hefur verið allmikil umræða í samfélaginu um samning Sameinuðu þjóðanna um réttindi fatlaðs fólks og þá staðreynd að Ísland hefur ekki enn fullgilt samninginn þó að níu ár séu nú liðin frá því að hann var undirritaður og að 164 ríki hafi nú fullgilt samninginn, þ.m.t. öll Norðurlandaríkin önnur en Ísland.

Landssamtökin Þroskahjálp auglýsa eftir starfsmanni til að annast viðhald fasteigna samtakanna og hafa umsjón með ýmsu sem varðar rekstur þeirra.

Fyrr í þessum mánuði fullgilti Finnland samning Sameinuðu þjóðanna um réttindi fatlaðs fólks og viðauka við hann um kæruheimildir einstaklinga og hópa til eftirlitsnefndar með samningnum. Alls hafa 164 ríki nú fullgilt samninginn og er það mikill meirihluti ríkja heimsins. Ísland er nú eina Norðurlandaríkið sem hefur ekki enn fullgilt þennan mikilvæga mannréttindasamning sem hefur þann tilgang og meginmarkmið að tryggja fötluðu fólki full mannréttindi á við aðra, vernd fyrir mismunun, útilokun og einangrun og tækifæri til að að taka þátt í samfélaginu og til að lifa eðlilegu lífi.

Annar fundurinn í fundarröð um þær breytingar sem verða þegar ungt fólk með þroskahömlun nær 18 ára aldri verður haldinn fimmtudaginn 19. maí að Háaleitisbraut 13, 4. hæð kl. 20:00 - 22:00

Sjúkratryggingar Íslands (SÍ) hafa gert samninga við verkstæði á Egilsstöðum og á Ísafirði um viðgerðarþjónustu hjálpartækja fyrir notendur sem hafa fengið hjálpartæki frá hjálpartækjamiðstöð SÍ. Fyrir eru sambærilegir samningar við verkstæði á Akureyri og í Vestmannaeyjum.

Daðahús á Flúðum er orlofshús ætlað fötluðu fólki sem margt getur ekki nýtt sér hefðbundin orlofshús vegna aðgengismála eða annarra aðstæðna. Húsið var í fyrstu rekið af orlofshúsasjóði Kópavogshælis en heyrir nú undir Þroskahjálp. Stefnan er að kostnaður við dvöl þar sé á sambærilegu verði og í orlofshúsum stéttarfélaga. Daðahús er mikið notað, ánægja er með húsið og mjög margir eiga góðar minningar frá dvöl sinni þar. Rekstri hússins hefur verið þröngur stakkur skorinn og því hefur ekki verið auðvelt að sinna viðhaldi hússins eins og áhugi og vilji er til.