Fréttir

Á samráðsvefnum Betri Hafnarfirði hefur verið stofnað svæði fyrir reynslusögur og hugmyndir um aðgengismál í sveitarfélaginu. Frumkvæði að stofnun svæðisins kemur frá starfshóp sem nýlega var stofnaður með það verkefni að marka heildstæða stefnu í aðgengismálum í Hafnarfirði.

Styrkir vegna kaupa á hjálpartækjum hækka 1. júlí þegar ný reglugerð heilbrigðisráðherra tekur gildi. Styrkirnir verða færðir upp til verðlags en það hefur ekki verið gert frá árinu 2008.

Í síðustu viku sendu kennslustjórar sérnámsbrauta/starfsbrauta í framhaldsskólum á höfuðborgarsvæðinu frá sér yfirlýsingu þar sem þeir lýstu yfir vonbrigðum og óánægju með innritunarferli á sérnámsbrautir og starfsbrautir. Landssamtökin Þroskahjáp harma þá stöðu sem upp er komin vegna innritunar á starfsbrautir framhaldskólanna og taka heilshugar undir yfirlýsingu kennslustjóranna

Landssamtökin Þroskahjálp hafa látið útbúa myndbönd um hvernig eigi að nota samfélagsmiðla, fjarfundarforrit, góð samskipti á netinu og fleira. Í myndböndunum er sagt frá því hvernig eigi að nota fjarfundarbúnað eins og Zoom og Teams og hvernig eigi að nota samfélagsmiðla og samskiptamiðla

Á dögunum kynnti mennta- og menningarmálaráðherra sumarnám í framhalds- og háskólum sem er liður í aðgerðunum stjórnvalda til að sporna gegn atvinnuleysi og efla virkni og menntun meðal ungs fólks og atvinnuleitenda. Alls er ráðgert að verja um 500 milljónum króna til að efla sumarnám í háskólum og 117 milljónum kr. til sumarnáms á framhaldsskólastigi.

Landssamtökin Þroskahjálp lýsa miklum áhyggjum vegna upplýsinga sem fram hafa komið um mjög slæma meðferð fólks á öryggis- og réttargeðdeildum Landspítalans. Þær upplýsingar byggja á frásögnum núverandi og fyrrverandi starfsfólks á deildunum og hljóta því að teljast mjög trúverðugar. Þar er lýst mjög alvarlegum brotum gegn grundvallarmannréttindum fólks.

Auglýst er eftir umsóknum í styrktarsjóð Kristins Arnar sem hefur þann tilgang að styrkja fólk með þroskahömlun til náms, lista og íþróttaþátttöku.

Fatlað fólk á rétt á að taka þátt í kosningum og stjórnmálalífi! Landssamtökin Þroskahjálp vita að fatlað fólk mætir mörgum hindrunum þegar kemur að því að taka þátt í stjórnmálum og kjósa.