Fréttir

Átak er að leita að 12 einstaklingum með þroskahömlun til að aðstoða við verkefni dagana 9. til 20. mars nk. Ef þú ert með fötlun eða þroskahömlun og tilbúin að aðstoða Átak í þessu verkefni hafðu þá samband við Jón Þorstein, sem er starfsmaður Átaks og skráðu þig. Fyrstir koma fyrstir fá. Engin laun eru í boði en fyrir þá sem koma verður gert eitthvað skemmtilegt.

Landssamtökin Þroskahjálp boða félagsmenn aðildarfélaga sinna til spjallfundar laugardaginn 14. febrúar kl. 11.00 -13.00 á Háaleitisbraut 13, 4. hæð. Formaður samtakanna mun fara yfir stöðu mála og framtíðarhorfur í ferðaþjónustu fatlaðra á höfuðborgarsvæðinu og síðan mun gestum gefast tækifæri til að koma með fyrirspurnir og ábendingar.

Lands-samtökin Þroska-hjálp hafa fengið styrk hjá Reykjavíkur-borg til að búa til ráðgjafar-hóp til að ráð-leggja þeim sem sjá um þjónustu fyrir fólk með þroska-hömlun í Reykjavík. Það er fólk með þroska-hömlun sem verður ráð-gjafar.

Landssamtökin Þroskahjálp og Öryrkjabandalag Íslands harma þann alvarlega atburð sem átti sér stað í gær hjá Akstursþjónustu Strætó b.s. þar sem vítavert gáleysi var sýnt í starfi

Á fundi velferðarráðs Reykjavíkurborgar þann 22. janúar 2015 og borgarráðs þann 29. janúar 2015 var samþykkt tillaga að breytingu á gjaldskrá vegna ferðaþjónustu fatlaðs fólks. Breytingin er sú að sérstakt gjald fyrir ferðir umfram 60 á mánuði er tekið út.

Þátturinn "Með okkar augum" er tilnefndur til Edduverðlauna sem besti menningarþátturinn. Þetta er í þriðja skipti sem þátturinn hlýtur tilnefningu til verðlaunanna.

Sigrún Huld Hrafnsdóttir var um áramótin sæmd riddarakrossi hinnar íslensku fálkaorðu fyrir afrek og framgöngu á vettvangi íþrótta fatlaðra.

Nú um áramótin tóku gildi nýjar reglur um ferðaþjónustu við fatlað fólk í Reykjavík. Nokkur umræða hefur verið um kosti og galla nýju reglnanna. Í viðtali við Fréttablaðið 23. desember sl. taldi varaformaður Velferðasviðs Reykjavíkurborgar að talsmenn fatlaðra hafi misskilið breytingarnar.

Skrifstofa samtakanna verður lokuð frá hádegi Þorláksmessu - opnum aftur 2. janúar. Óskum öllum vinum og velunnurum gleðilegra jóla - þökkum stuðning á árinu sem er að líða.

Í dag á alþjóðadegi fatlaðs fólks veittu Landssamtökin Þroskahjálp Múrbrjóta til aðila sem þykja hafa sýnt frumkvæði og ýtt undir nýsköpun varðandi þátttöku fatlaðs fólks og þannig sýnt samfélagslega ábrygð. Eygló Harðardóttir, félags- og húsnæðismálaráðherra afhenti Múrbrjótinn við hátíðlega athöfn. Múrbrjótinn í 2014 hljóta, fyrir fræðsluerindið „Af hverju er barnið mitt ekki úti að éta sand?“ mæðgurnar Embla Guðrúnar- og Ágústsdóttir og Guðrún Hjartardóttir, Stígamót fyrir það frumkvæði að ráða sérfræðing í málefnum fatlaðs fólks til starfa og Birna Guðrún Baldursdóttir fyrir að starfrækja klúbb fyrir ungmenni á einhverfurófi á Akureyri. Landssamtökin Þroskahjálp hafa haldið upp á alþjóðlegan dag fatlaðs fólks frá árinu 1993 með áherslu á að auka reisn, réttindi og velferð fólks með fötlun. Markmiðið er einnig að auka vitund fólks um þau samfélagslegu verðmæti sem felast í samskipan, þar sem fatlað fólk eru þátttakendur á öllum sviðum, hvort heldur sem er í stjórnmála-, félags-, efnahags- eða menningarlífi.