Vetrarleiga í Daðahúsi

Landssamtökin Þroskahjálp reka Daðahús, heilsárshús að Akurgerði 10 á Flúðum.

Húsið hefur verið mikið nýtt á sumrin en samtökin vilja sérstaklega vekja athygli á vetrarleigu, þar sem dásamlegt er að dvelja á Flúðum allan ársins hring. Hægt er að leigja húsið til lengri og skemmri tíma yfir vetrarmánuðina.

Húsið er með mjög góðu aðgengi, heitum potti með aðgengi, palli, grilli og svefnplássi fyrir 7 manns auk lausra dýna. Öll helstu hjálpartæki eru til staðar. Þá er internet og AppleTV á staðnum.

Frekari upplýsingar um Daðahús og myndir má sjá á heimasíðu samtakanna.

Hafið samband á throskahjalp@throskahjalp.is eða í síma 588 9390 fyrir frekari upplýsingar.