Fréttir

Átakið „Fyrir okkur öll“ er hluti af vitundarvakningu um réttindi fatlaðs fólks. Þroskahjálp er samstarfsaðili í verkefninu sem er unnið í samvinnu ríkis, sveitarfélaga og hagsmunasamtaka. Mikil þörf er á að kynna almenningi efni samnings Sameinuðu þjóðanna um réttindi fatlaðs fólks.

Vinsamlegast athugið að skrifstofa Þroskahjálpar verður lokuð fimmtudaginn 8. maí og föstudaginn 9. maí. Tilefnið er Vorráðstefna Ráðgjafar- og greiningarstöðvar og Þroskahjálpar.

Þroskahjálp fagnar því að Mannréttindastofnun Íslands hefur tekið til starfa. Stofnunin á að efla og vernda mannréttindi á Íslandi. Hún heyrir undir Alþingi en er sjálfstæð í störfum sínum og óháð fyrirmælum frá öðrum, þ.m.t. Alþingi. Eitt af verkefnum stofnunarinnar er eftirlit með framkvæmd samnings Sameinuðu þjóðanna um réttindi fatlaðs fólks.

Fjölmennum í kröfugöngu 1. maí og krefjumst aukinna réttinda fyrir fatlað fólk. Betri kjör, bætt aðgengi og betri menntun. Baráttumálin eru ótal mörg og mikilvægt að láta heyra í sér og sýna samstöðu.

Nýtt vefsvæði á island.is um réttindi og þjónustu við fötluð börn og fjölskyldur þeirra. Verkefnið er unnið af Þroskahjálp í samstarfi við Mennta-og barnamálaráðuneytið. Upplýsingar eru aðgengilegar bæði á íslensku og ensku, og verða aðgengilegar á fleiri tungumálum í næsta áfanga verkefnisins.