Breytingar á heimilisuppbót TR

04.08.2021
Merki Tryggingastofnunar
Merki Tryggingastofnunar

 

Smelltu hér til að sjá auðlesinn texta

  • Nú var verið að breyta reglunum um heimilisuppbót.
  • Ef það býr manneskja á aldrinum 18 til 25 ára sem er í námi á heimilinu er hægt að fá heimilisuppbót.
  • Áður var það upp í 20 ára aldur.
  • Tryggingastofnun mun senda bréf á þá sem gætu átt núna átt rétt á heimilisuppbót.
  • Ef þú heldur að þetta eigi við um þig skaltu hafa samband við Tryggingastofnun. 

Félagsmálaráðuneytið hefur gefið út breytingu á reglugerð nr. 120/2018 um heimilisuppbót.  Breytingin tók gildi 12. júní 2021.

Nú verður miðað við 18 til 25 ára aldur (í stað 18-20 ára) þegar metið er hvort lífeyrisþegi hafi fjárhagslegt hagræði vegna annarra heimilismanna við ákvörðun heimilisuppbótar, að ákveðnum öðrum formskilyrðum uppfylltum.

Lífeyrisþegar hafa notið heimilisuppbótar ef einstaklingur á aldrinum 18 til 20 ára sem er í námi býr á heimilinu.  Breytingin er að hækkað hefur verið upp í 25 ára aldur, að því skilyrði uppfylltu að heimilismaðurinn sé í námi. 

TR mun á næstunni fara yfir hvaða viðskiptavinir falla undir þessa breytingu. Þeim verður sent bréf og kynntur mögulegur réttur á heimilisuppbót vegna þessarar breytingar.

Ef þú telur þig falla undir þessi skilyrði, þá hvetur TR fólk að sækja um heimilisuppbót að nýju eða hafa samband við TR og kanna málið.

Til baka