Melgerði

Þroskahjálp hefur allt frá stofnun samtakanna rekið Gistiheimili að Melgerði 7 í Kópavogi. Þar geta fötluð börn af landsbyggðinni dvalið með foreldrum sínum án endurgjalds, þegar barnið þarf að vera í höfuðborginni, t.d. vegna heimsóknar á Greiningarstöð, þjálfunar, læknisheimsókna eða annarrar meðferðar.

Í Melgerðinu fær hver fjölskylda sér herbergi en deilir eldhúsi, baðherbergi og stofu með öðrum. Alls geta tvær fjölskyldur dvalið í Melgerðinu í einu. Í húsinu að Melgerði er allur búnaður, m.a. sængur og koddar, en fólk þarf að taka sængurfatnað og lök með sér.

Þau sem hafa áhuga á að panta aðstöðu í Melgerði eða óska eftir nánari upplýsingum er bent á að hafa samband við skrifstofu Þroskahjálpar í síma 588-9390 eða með því að senda tölvupóst á throskahjalp@throskahjalp.is.