Þroskahjálp og Geðhjálp senda velferðarnefnd áskorun vegna Arnarholts

Loftmynd af Arnarholti. Skjáskot úr fréttatíma RÚV.

Nýverið var greint var frá hræðilegum aðbúnaði og meðferð á heimilisfólki á vistheimilinu Arnarholti. Þann 12. nóvember sl. sendu Þroskahjálp og Geðhjálp erindi til velferðarnefndar Alþingis að nefndin hlutist til um að gerð verði óháð rannsókn á aðbúnaði og meðferð fullorðins fatlaðs fólks með þroskahömlun annars vegar og fullorðinna með geðrænan vanda hins vegar sl. 80 ár á Íslandi.

Fara samtökin tvö fram á að skoðaðar verði allar stofnanir og úrræði sem ríki, sveitarfélög, frjáls félagasamtök, líknarfélög og aðrir aðilar ráku fyrir þessa hópa. Jafnframt verði gerð úttekt á þeim geðdeildum og úrræðum sem Landspítalinn og önnur sjúkrahús ráku á þessum tíma. Nauðsynlegt sé að ráðast í lagabreytingar svo aflétta megi leynd af þeim gögnum sem nauðsynlegt er að skoða í tengslum við þessa rannsókn.

Ályktunina í heild sinni má lesa með því að smella hér.