Arna Sigríður Albertsdóttir hefur verið ráðin á skrifstofu Þroskahjálpar. Arna Sigríður mun leiða heilsueflingarverkefni Þroskahjálpar, en markmið verkefnisins er að auka aðgengi fólks með þroskahömlun og skyldar fatlanir að fræðslu og stuðningi til þess að ástunda heilbrigðan lífsstíl og auka þannig lífsgæði þessa hóps. Verkefnið er styrkt af félags- og vinnumarkaðsráðuneyti.
Lesa um heilsueflingarverkefnið
Arna Sigríður er með BSc gráðu í íþróttafræði frá Háskólanum í Reykjavík. Hún er ötull íþróttamaður sjálf og hefur síðustu ár keppt á handahjóli, meðal annars á heims- og evrópubikarmótum ásamt því að hún keppti á síðustu ólympíuleikum fatlaðra í Tókýó.
Arna Sigríður hóf störf í dag, 13. febrúar. Við bjóðum hana hjartanlega velkomna og hlökkum til samstarfsins við hana um þetta mikilvæga verkefni.
Tengt efni
Þroskahjálp 50 ára: Réttindabarátta og réttindagæsla í 50 ár
Landssamtökin Þroskahjálp fagna 50 ára afmæli um þessar mundir. Í tilefni þess stinga fjórir fyrrverandi formenn samtakanna niður penna og rifja upp nokkur af helstu baráttumálum Þroskahjálpar – fyrr og nú. Þetta er fyrsta greinin í ritröðinni, eftir Halldór Gunnarsson.
Þroskahjálp 50 ára: Yfirfærslan 2011 – horft yfir veginn
Landssamtökin Þroskahjálp fagna 50 ára afmæli um þessar mundir. Í tilefni þess stinga fjórir fyrrverandi formenn samtakanna niður penna og rifja upp nokkur af helstu baráttumálum Þroskahjálpar – fyrr og nú. Þetta er önnur greinin í ritröðinni, eftir Gerði Aagot Árnadóttur.
Almanakssalan hafin!
Sala á almanaki Þroskahjálpar 2027 er nú í fullum gangi.