Í dag er merkisdagur en Ísland hefur nú loks fullgilt svokallaða „valfrjálsa bókun“ við Samning Sameinuðu þjóðanna um réttindi fatlaðs fólks. Þetta er mikilvægt skref sem Þroskahjálp hefur lengi kallað eftir.
Í stuttu máli felur bókunin í sér að fatlað fólk og samtök þess geta, að uppfylltum ákveðnum skilyrðum, leitað til nefndar Sameinuðu þjóðanna um réttindi fatlaðs fólks telji þau að íslensk stjórnvöld hafi brotið á réttindum þeirra samkvæmt samningnum. Bókunin styrkir þannig réttindavernd og eykur ábyrgð stjórnvalda á að standa við skuldbindingar sínar.
„Við erum náttúrlega alsæl með þetta. Þetta er eitthvað sem við höfum talað fyrir og barist fyrir í gegnum tíðina,“ segir Anna Lára Steindal, framkvæmdastjóri Þroskahjálpar.
Í dag er því full ástæða til að fagna.
Tengt efni
Þroskahjálp 50 ára: Réttindabarátta og réttindagæsla í 50 ár
Landssamtökin Þroskahjálp fagna 50 ára afmæli um þessar mundir. Í tilefni þess stinga fjórir fyrrverandi formenn samtakanna niður penna og rifja upp nokkur af helstu baráttumálum Þroskahjálpar – fyrr og nú. Þetta er fyrsta greinin í ritröðinni, eftir Halldór Gunnarsson.
Þroskahjálp 50 ára: Yfirfærslan 2011 – horft yfir veginn
Landssamtökin Þroskahjálp fagna 50 ára afmæli um þessar mundir. Í tilefni þess stinga fjórir fyrrverandi formenn samtakanna niður penna og rifja upp nokkur af helstu baráttumálum Þroskahjálpar – fyrr og nú. Þetta er önnur greinin í ritröðinni, eftir Gerði Aagot Árnadóttur.
Almanakssalan hafin!
Sala á almanaki Þroskahjálpar 2027 er nú í fullum gangi.