Stefnuskrá sem flokkar mega stela
Flokkahjálp er stefnuskrá sem Þroskahjálp skrifaði fyrir stjórnmálaflokka, tilbúin til notkunar. Flokkarnir mega taka hana, kynna hana sem sína og vinna eftir henni.
Réttindi fatlaðs fólks eru ekki flokkamál, heldur mannréttindamál. Þess vegna viljum við að sem flestir flokkar séu sammála.
Af hverju skiptir þetta máli?
Sveitarfélögin bera ábyrgð á stórum hluta þjónustu við fatlað fólk: húsnæði, stuðningi, menntun og aðgengi. Samt bíða hundruð manns eftir húsnæði sem þau eiga rétt á, börn bíða árum saman eftir greiningu, og fjölskyldur þreytast á símtölum, fundum og umsóknum, bara til að fá það sem lögin tryggja.
Hvaða flokkar standa vörð um réttindi fatlaðs fólks skiptir því miklu máli þegar kosið er.
„Aðildarríkin skulu tryggja fötluðu fólki stjórnmálaleg réttindi og tækifæri til þess að njóta þeirra til jafns við aðra.“
samningur Sameinuðu þjóðanna um réttindi fatlaðs fólks, 29. gr.
Stefnuskráin: 15 mál sem skipta máli
Stefnuskráin nær yfir allt frá búsetu og menntun til lýðræðis og verndar gegn ofbeldi. Hvert mál er útskýrt nánar á flokkahjalp.is.
- 1Búseta og sjálfstætt líf
- 2Þjónusta og stuðningur
- 3Börn og fjölskyldur
- 4Fólk af erlendum uppruna
- 5Frístundir og þátttaka
- 6Vinna og virkni
- 7Fullorðið fatlað fólk
- 8Aldrað fatlað fólk
- 9Fatlað fólk og lýðræði
- 10Notendaráð og samráð
- 11Heilsa og lífsgæði
- 12Fjölskyldur
- 13Vernd gegn ofbeldi
- 14Aðgengi
- 15Menntamál
Hversu inngildandi er stefnuskráin?
Á flokkahjalp.is er líka greiningartól. Þar má líma inn texta úr stefnuskrá stjórnmálaflokks, eða bera saman tvo flokka, og sjá hversu vel stefnan tekur mið af réttindum fatlaðs fólks, samningi Sameinuðu þjóðanna og gildum Þroskahjálpar.
Hvað þýðir þetta fyrir þig?
- Sjá baráttumálin
Foreldri fatlaðs barns
Réttindi barnsins, biðlistar, og það sem sveitarfélagið þarf að gera.
- Skoða stefnumálin
Fatlað fólk
Þín réttindi, þín rödd, og stjórnmálafólkið sem þarf að hlusta.
- Skoða stefnumálin
Starfsfólk í þjónustu
Hvers getur þú krafist, og hvað ætti kerfið að gera betur?
- Taka stefnuskrána
Fólk í stjórnmálum
Stefnuskrá sem þú getur tekið upp og kynnt sem þína.
Stefnuskráin er tilbúin. Taktu hana, kynntu hana, ræddu hana.
Og hafðu hana í huga þegar þú ferð inn í kjörklefann.