Landssamtökin Þroskahjálp styðja frumvarpið og hvetjavelferðarnefnd til að hraða afgreiðslu þess og Alþingi til að samþykkja það sem fyrst.
Greiðsluþátttökukerfið sem tók gildi 2017, sem átti að tryggja að einstaklingar greiddu ekki meira en ákveðna upphæð í hverjum mánuði og gerði einnig ráð fyrir að börn, aldraðir og öryrkjar greiddu lægri fjárhæðir hefur ekki gengið eftir.
Þar sem samningar við sérfræðilækna og sjúkraþjálfara hafa ekki náðst og hafa verið lausir frá 2019 hafa þjónustuveitendur lagt á aukakjöld, sem gerir það að verkum að fjöldi fólks hefur ekki ráð á því að leita til sérfræðilækna né sjúkraþjálfara.
Þessi staða bitnar harðast á fötluðu fólki, sem hefur lægstu kjörin og býr oft við hreina fátækt. Þessi staða leiðir til þess að aðeins þeir sem hafa efni á því að leita sér aðstoðar sérfræðilækna eða sjúkraþjálfun gera það en hinir sitja eftir. Fjöldamörg dæmi eru um að fatlað fólk neiti sér um þessa þjónustu sem getur haft alvarlegar heilsufarslegar afleiðingar til framtíðar.
Því er mjög brýnt að bregðast við þessu.
Virðingarfyllst.
Unnur Helga Óttarsdóttir, formaður Þroskahjálpar
Nálgast má lagafrumvarpið sem umsögnin á við hér.
Tengt efni
Þroskahjálp 50 ára: Réttindabarátta og réttindagæsla í 50 ár
Landssamtökin Þroskahjálp fagna 50 ára afmæli um þessar mundir. Í tilefni þess stinga fjórir fyrrverandi formenn samtakanna niður penna og rifja upp nokkur af helstu baráttumálum Þroskahjálpar – fyrr og nú. Þetta er fyrsta greinin í ritröðinni, eftir Halldór Gunnarsson.
Þroskahjálp 50 ára: Yfirfærslan 2011 – horft yfir veginn
Landssamtökin Þroskahjálp fagna 50 ára afmæli um þessar mundir. Í tilefni þess stinga fjórir fyrrverandi formenn samtakanna niður penna og rifja upp nokkur af helstu baráttumálum Þroskahjálpar – fyrr og nú. Þetta er önnur greinin í ritröðinni, eftir Gerði Aagot Árnadóttur.
Almanakssalan hafin!
Sala á almanaki Þroskahjálpar 2027 er nú í fullum gangi.