Velferðarnefnd Alþingis.
Umsögn Landssamtakanna Þroskahjálpar (LÞ) um frumvarp til laga um breytingu á lögum nr. 125/1999, um málefni aldraðra. (Þingskjal 452 352. mál).
Landssamtökin Þroskahjálp þakka velferðarnefnd fyrir að fá ofangreint lagafrumvarp sent til umsagnar og vilja koma eftirfarandi á framfæri varðandi það.
Samtökin líta svo á að markmið frumvarpsins sé að tryggja betur en gert er samkvæmt gildandi lögum virðingu stjórnvalda fyrir hjónabandi, samböndum og fjölskyldulífi aldraðs fólks og verja það betur en gildandi lög gera fyrir mismunun á grundvelli skertrar heilsu eða færni hvað þau mannréttindi varðar.
Landssamtökin styðja þá breytingu á lögum um málefni aldraðra sem lögð er til i frumvarpinu og leggja áherslu á að sömu sjónamið og rök eiga við um réttindi fatlaðs fólks, enda eru þessi mannréttindi sérstaklega tryggð og varin í 23. gr. samnings Sameinuðu þjóðanna um réttindi fatlaðs fólks sem íslensk stjórnvöld hyggjast fullgilda á næstunni og vinna nú að því að tryggja að lög, reglur og stjórnsýsluframkvæmd uppfylli kröfur samningsins.
22. mars 2016.
Bryndís Snæbjörnsdóttir, formaður Landssamtakanna Þroskahjálpar.
Árni Múli Jónasson, framkvæmdastjóri landssamtakanna Þroskahjálpar.
Tengt efni
Þroskahjálp 50 ára: Réttindabarátta og réttindagæsla í 50 ár
Landssamtökin Þroskahjálp fagna 50 ára afmæli um þessar mundir. Í tilefni þess stinga fjórir fyrrverandi formenn samtakanna niður penna og rifja upp nokkur af helstu baráttumálum Þroskahjálpar – fyrr og nú. Þetta er fyrsta greinin í ritröðinni, eftir Halldór Gunnarsson.
Þroskahjálp 50 ára: Yfirfærslan 2011 – horft yfir veginn
Landssamtökin Þroskahjálp fagna 50 ára afmæli um þessar mundir. Í tilefni þess stinga fjórir fyrrverandi formenn samtakanna niður penna og rifja upp nokkur af helstu baráttumálum Þroskahjálpar – fyrr og nú. Þetta er önnur greinin í ritröðinni, eftir Gerði Aagot Árnadóttur.
Almanakssalan hafin!
Sala á almanaki Þroskahjálpar 2027 er nú í fullum gangi.