Umboðsmaður Alþingis hefur sent félags- og barnamálaráðherra bréf
þar sem spurt er hvort hann sé meðvitaður um að afgreiðsla umsókna um örorkulífeyri hjá Tryggingastofnun hafi mögulega breyst.
Landssamtökin Þroskahjálp hafa staðið í þessari baráttu upp á síðkastið og fagna fyrirspurn umboðsmanns.
Fyrirspurnin kemur til í kjölfar kvartana og ábendinga sem benda til að þessi framkvæmd kunni að hafa breyst þannig að umsóknum, einkum frá ungu fólki, sé í auknum mæli synjað á þeim grundvelli að endurhæfing sé ekki fullreynd.
Í bréfi til félags- og barnamálaráðherra eru nefnd dæmi um erindi sem umboðsmanni hafa borist þar sem bent hefur verið á að áður en Tryggingastofnun synji umsókn um örorkulífeyri, því endurhæfing sé ekki fullreynd, hafi stofnunin ekki lagt mat á raunverulega möguleika umsækjanda á endurhæfingu. Þá sé þetta niðurstaðan jafnvel þótt fyrir liggi álit sérfræðinga, s.s. lækna, um að frekari endurhæfing muni ekki skila árangri.
Umboðsmaður spyr hvort ráðherra telji tilefni til að bregðast við þeim aðstæðum sem lýst er í bréfinu og þá með hvaða hætti. Ef ekki, er beðið um skýringar á því. Óskað er svara eigi síðar en 28. júní nk.
Tengt efni
Þroskahjálp 50 ára: Réttindabarátta og réttindagæsla í 50 ár
Landssamtökin Þroskahjálp fagna 50 ára afmæli um þessar mundir. Í tilefni þess stinga fjórir fyrrverandi formenn samtakanna niður penna og rifja upp nokkur af helstu baráttumálum Þroskahjálpar – fyrr og nú. Þetta er fyrsta greinin í ritröðinni, eftir Halldór Gunnarsson.
Þroskahjálp 50 ára: Yfirfærslan 2011 – horft yfir veginn
Landssamtökin Þroskahjálp fagna 50 ára afmæli um þessar mundir. Í tilefni þess stinga fjórir fyrrverandi formenn samtakanna niður penna og rifja upp nokkur af helstu baráttumálum Þroskahjálpar – fyrr og nú. Þetta er önnur greinin í ritröðinni, eftir Gerði Aagot Árnadóttur.
Almanakssalan hafin!
Sala á almanaki Þroskahjálpar 2027 er nú í fullum gangi.