Í vikunni fer fram ráðstefna Inclusion Europe í Brussel, sem ber heitið End segregation eða Bindum enda á aðskilnað.
Unnur Helga Óttarsdóttir, formaður Landssamtakanna Þroskahjálpar og fulltrúar Átaks - félags fólks með þroskahömlun, þær Birna Guðmundsdóttir og Inga Hanna Jóhannesdóttir eru staddar á ráðstefnunni.
Inclusion Europe eru samtök sem vinna að réttinda- og hagsmunamálum fólks með þroskahömlun og aðstandenda þeirra í Evrópu. Aðild að samtökunum eiga auk Þroskahjálpar 73 samtök frá 39 Evrópulöndum.
Á ráðstefnunni koma saman meira en 200 einstaklingar með þroskahömlun, aðstandendur þeirra, aktívistar og fagfólk. Þátttakendur ræða málefni sem þeim eru hugleikin, deila reynslu sinni og hugmyndum til þess að auka inngildingu og réttindi fatlaðs fólks.
Á ráðstefnunni hitti Unnur Helga fulltrúa Úkraínu, en Landssamtökin Þroskahjálp hafa í samstarfi við hreyfingar fatlaðs fólks á Íslandi sent út nærri 17 milljónir kr. til neyðaraðstoðar fyrir fatlað fólk í Úkraínu sem býr við afar erfiðar aðstæður vegna innrásar Rússlands í landið. Inclusion Europe hefur milligöngu til þess að tryggja að fjármagnið nýtist vel og komist á réttan stað.
Tengt efni
Þroskahjálp 50 ára: Réttindabarátta og réttindagæsla í 50 ár
Landssamtökin Þroskahjálp fagna 50 ára afmæli um þessar mundir. Í tilefni þess stinga fjórir fyrrverandi formenn samtakanna niður penna og rifja upp nokkur af helstu baráttumálum Þroskahjálpar – fyrr og nú. Þetta er fyrsta greinin í ritröðinni, eftir Halldór Gunnarsson.
Þroskahjálp 50 ára: Yfirfærslan 2011 – horft yfir veginn
Landssamtökin Þroskahjálp fagna 50 ára afmæli um þessar mundir. Í tilefni þess stinga fjórir fyrrverandi formenn samtakanna niður penna og rifja upp nokkur af helstu baráttumálum Þroskahjálpar – fyrr og nú. Þetta er önnur greinin í ritröðinni, eftir Gerði Aagot Árnadóttur.
Almanakssalan hafin!
Sala á almanaki Þroskahjálpar 2027 er nú í fullum gangi.