Þær góðu fréttir bárust að Landssamtökin Þroskahjálp, í samstarfi við UngRÚV og þáttagerðarteymið að baki þáttunum „Með okkar augum“ hlutu styrk úr Barnamenningarsjóði fyrir listasmiðjum fyrir unglinga með þroskahömlun.
Í smiðjunum verður unnið með listsköpun, réttindi og menningu unglinga með þroskahömlun og skyldar fatlanir. Afrakstur smiðjanna verður sýndur í formi listsýningar og gerð verður heimildamyndar um verkefnið.
Þroskahjálp leggur áherslu á að fötluð börn og ungmenni fái sömu tækifæri og önnur börn, eins og barnasáttmáli SÞ og samningur SÞ um réttindi fatlaðs fólks kveður á um, og er aðgengi að menningu þar mikilvægur liður. Þroskahjálp byggir stefnu sína á þessum mikilvægu mannréttindasamningum og stendur vörð um mannréttindi og tækifæri fatlaðs fólks á öllum sviðum samfélagsins!
Tengt efni
Þroskahjálp 50 ára: Réttindabarátta og réttindagæsla í 50 ár
Landssamtökin Þroskahjálp fagna 50 ára afmæli um þessar mundir. Í tilefni þess stinga fjórir fyrrverandi formenn samtakanna niður penna og rifja upp nokkur af helstu baráttumálum Þroskahjálpar – fyrr og nú. Þetta er fyrsta greinin í ritröðinni, eftir Halldór Gunnarsson.
Þroskahjálp 50 ára: Yfirfærslan 2011 – horft yfir veginn
Landssamtökin Þroskahjálp fagna 50 ára afmæli um þessar mundir. Í tilefni þess stinga fjórir fyrrverandi formenn samtakanna niður penna og rifja upp nokkur af helstu baráttumálum Þroskahjálpar – fyrr og nú. Þetta er önnur greinin í ritröðinni, eftir Gerði Aagot Árnadóttur.
Almanakssalan hafin!
Sala á almanaki Þroskahjálpar 2027 er nú í fullum gangi.