Fulltrúar Þroskahjálpar áttu góðan fund með Ásmundi Einari Daðasyni, mennta- og barnamálaráðherra og starfsfólki ráðuneytisins.
Ræddar voru áherslur Þroskahjálpar á sviði ráðherra, m.a. samhæfingu námsframboðs og atvinnutækifæra fyrir fötluð ungmenni og námstækifæri á framhaldsskólastigi, innleiðingu farsældarlaganna, stuðning við fjölskyldur fatlaðra barna af erlendum uppruna og stuðning við fötluð börn á flótta. Lögðu samtökin einnig fram ábendingar barnaréttarnefndar Sameinuðu þjóðanna til íslenskrar stjórnvalda varðandi stöðu fatlaðra barna.
Samtökin upplifðu mikinn vilja hjá ráðherra til þess að eiga farsælt samstarf varðandi öll þessi áherslumál og erum við þakklát fyrir góðar viðtökur!
Tengt efni
Þroskahjálp 50 ára: Réttindabarátta og réttindagæsla í 50 ár
Landssamtökin Þroskahjálp fagna 50 ára afmæli um þessar mundir. Í tilefni þess stinga fjórir fyrrverandi formenn samtakanna niður penna og rifja upp nokkur af helstu baráttumálum Þroskahjálpar – fyrr og nú. Þetta er fyrsta greinin í ritröðinni, eftir Halldór Gunnarsson.
Þroskahjálp 50 ára: Yfirfærslan 2011 – horft yfir veginn
Landssamtökin Þroskahjálp fagna 50 ára afmæli um þessar mundir. Í tilefni þess stinga fjórir fyrrverandi formenn samtakanna niður penna og rifja upp nokkur af helstu baráttumálum Þroskahjálpar – fyrr og nú. Þetta er önnur greinin í ritröðinni, eftir Gerði Aagot Árnadóttur.
Almanakssalan hafin!
Sala á almanaki Þroskahjálpar 2027 er nú í fullum gangi.