Í gistiheimili, sem Þroskahjálp rekur að Melgerði 7 í Kópavogi, geta fötluð börn af landsbyggðinni dvalist með foreldrum sínum án endurgjalds, þegar börn þurfa að vera í höfuðborginni, t.d. vegna heimsóknar á Greiningarstöð, þjálfunar, læknisheimsókna eða annarrar meðferðar.
Margir nýta sér aðstöðuna í Melgerði og er hún því mjög mikilvæg fyrir fötluð börn og aðstandendur þeirra.
Viðhald á húsum og görðum er eins og allir vita tímafrekt og kostnaðarsamt. Við hjá Þroskahjálp erum því mjög þakklát þeim Helgu Svölu Sigurðardóttur, Atla Þór Jóhannssyni, Önnu Þórdísi Rafnsdóttur og Tómasi Gunnari Thorsteinsson, starfsmönnum Advania sem öll hafa áhuga á góðgerðar- og mannúðarmálum og máluðu í sjálfboðavinnu fyrir okkur girðingarnar við húsið.
Á meðfylgjandi mynd má sjá þau að störfum í góðviðrinu í gær.
Tengt efni
Þroskahjálp 50 ára: Réttindabarátta og réttindagæsla í 50 ár
Landssamtökin Þroskahjálp fagna 50 ára afmæli um þessar mundir. Í tilefni þess stinga fjórir fyrrverandi formenn samtakanna niður penna og rifja upp nokkur af helstu baráttumálum Þroskahjálpar – fyrr og nú. Þetta er fyrsta greinin í ritröðinni, eftir Halldór Gunnarsson.
Þroskahjálp 50 ára: Yfirfærslan 2011 – horft yfir veginn
Landssamtökin Þroskahjálp fagna 50 ára afmæli um þessar mundir. Í tilefni þess stinga fjórir fyrrverandi formenn samtakanna niður penna og rifja upp nokkur af helstu baráttumálum Þroskahjálpar – fyrr og nú. Þetta er önnur greinin í ritröðinni, eftir Gerði Aagot Árnadóttur.
Almanakssalan hafin!
Sala á almanaki Þroskahjálpar 2027 er nú í fullum gangi.