Þroskahjálp hefur fengið liðsauka í tveimur starfsnemum sem hófu störf í síðustu viku. Starfsnemarnir heita Fabiana Morais og Haukur Hákon Loftsson og eru þau í diplómanámi við Háskóla Íslands. Þau hófu störf 6. mars og verða hluti af Þroskahjálparteyminu næstu vikurnar.
Fyrstu vikuna nýttu þau í hugmyndavinnu, en þau brenna bæði fyrir réttindabaráttu fatlaðs fólks og fyrir því að vera breytingarafl í samfélaginu. Þau munu taka þátt í fjölbreyttum verkefnum samtakanna og eitt af því sem þau vilja leggja áherslu á er hvernig við segjum sögur af árangri, áhugaverðu fólki og óréttlæti í samfélaginu. Þau munu því næstu vikurnar hafa pláss á miðlum Þroskahjálpar fyrir efni sem þau skapa sjálf.
Það byrjar auðvitað á viðtali sem þau tóku við hvort annað til að gefa fólki færi á að kynnast sér betur, þau viðtöl verða birt á næstu dögum.
Við hjá Þroskahjálp erum heppin að fá þau Hauk og Fabiönu til liðs við okkur og hlökkum til samstarfsins við þau næstu vikurnar.
Tengt efni
Þroskahjálp 50 ára: Réttindabarátta og réttindagæsla í 50 ár
Landssamtökin Þroskahjálp fagna 50 ára afmæli um þessar mundir. Í tilefni þess stinga fjórir fyrrverandi formenn samtakanna niður penna og rifja upp nokkur af helstu baráttumálum Þroskahjálpar – fyrr og nú. Þetta er fyrsta greinin í ritröðinni, eftir Halldór Gunnarsson.
Þroskahjálp 50 ára: Yfirfærslan 2011 – horft yfir veginn
Landssamtökin Þroskahjálp fagna 50 ára afmæli um þessar mundir. Í tilefni þess stinga fjórir fyrrverandi formenn samtakanna niður penna og rifja upp nokkur af helstu baráttumálum Þroskahjálpar – fyrr og nú. Þetta er önnur greinin í ritröðinni, eftir Gerði Aagot Árnadóttur.
Almanakssalan hafin!
Sala á almanaki Þroskahjálpar 2027 er nú í fullum gangi.