Guðmundur Ingi Guðbrandsson, félags- og vinnumarkaðsráðherra, boðar nú til opinna samráðsfunda um allt land. Í tilkynningu á vef stjórnarráðsins segir: ,, Á fundunum verður fjallað um helstu áherslur í þjónustu við fatlað fólk í nútíð og framtíð og hvernig staðið verður að innleiðingu þeirra. Samráðsfundirnir hafa þann tilgang að tryggja milliliðalaust samtal um það sem fólki er efst í huga þegar málefni fatlaðs fólks ber á góma."
Síðustu mánuði hefur Þroskahjálp tekið þátt í vinnu við gerð landsáætlunar um innleiðingu samnings sameinuðu þjóðanna um réttindi fatlaðs fólks. Að vinnunni koma, auk Þroskahjálpar, önnur hagsmunasamtök, fulltrúar ráðuneyta og fulltrúar sveitarfélaga. Mikill metnaður hefur verið lagður í vinnuna og hvetjum við nú allan almenning að mæta á þessa samráðsfundi, fá innsýn í vinnuna sem hefur farið fram og koma sínum skoðunum og hagsmunamálum á framfæri.
Fundirnir verða á eftirfarandi stöðum:
22. maí – Reykjanesbær kl. 17 (Bíósalur í Duus-safnahúsum)
23. maí – Akureyri kl. 17 (Hof – Hamrar)
24. maí – Borgarnes kl. 17 (staðsetning augl. síðar)
21. júní – Ísafjörður kl. 12 (staðsetning augl. síðar)
22. júní – Egilsstaðir kl. 17 (staðsetning augl. síðar)
26. júní – Selfoss kl. 17 (Hótel Selfoss)
27. júní – Höfuðborgarsvæðið kl. 17 (staðsetning augl. síðar)
29. júní – Rafrænn fundur fyrir allt landið kl. 20:00
Ágúst – Sauðárkrókur (dagsetning og staðsetning augl. síðar)
Ágúst – Höfn (dagsetning og staðsetning augl. síðar)
Nánar um dagskrá fundanna og skráning á þá er að finna á vef stjórnarráðsins
Nánari upplýsingar
Tengt efni
Þroskahjálp 50 ára: Réttindabarátta og réttindagæsla í 50 ár
Landssamtökin Þroskahjálp fagna 50 ára afmæli um þessar mundir. Í tilefni þess stinga fjórir fyrrverandi formenn samtakanna niður penna og rifja upp nokkur af helstu baráttumálum Þroskahjálpar – fyrr og nú. Þetta er fyrsta greinin í ritröðinni, eftir Halldór Gunnarsson.
Þroskahjálp 50 ára: Yfirfærslan 2011 – horft yfir veginn
Landssamtökin Þroskahjálp fagna 50 ára afmæli um þessar mundir. Í tilefni þess stinga fjórir fyrrverandi formenn samtakanna niður penna og rifja upp nokkur af helstu baráttumálum Þroskahjálpar – fyrr og nú. Þetta er önnur greinin í ritröðinni, eftir Gerði Aagot Árnadóttur.
Almanakssalan hafin!
Sala á almanaki Þroskahjálpar 2027 er nú í fullum gangi.