Á síðustu vikum hafa Landssamtökin Þroskahjálp óskað eftir samtali við sveitarfélög um land allt um atvinnu- og menntunartækifæri ungs fatlaðs fólks, en sérstök áhersla hefur verið á málefnið hjá samtökunum undanfarið vegna þess skorts á tækifærum sem hefur verið viðvarandi vandamál.
Viðbrögð sveitarfélaga til þess að ræða við Þroskahjálp er mikið fagnaðarefni, en þau sveitarfélög sem svarað hafa kalli samtakanna og óskað eftir samtali um atvinnu og menntunartækifæri ungs fatlaðs fólks eru Vestmannaeyjar, Mosfellsbær, Suðurnesjabær, Norðurþing, Strandabyggð, Reykhólar, Seltjarnarnes, Dalvíkurbyggð, Fjallabyggð og Akureyri.
Við hvetjum öll sveitarfélög til þess að taka þátt í samtalinu og samvinnunni, til að hægt sé að vinna af krafti til þess að kortleggja og efla atvinnu- og menntunartækifæri ungs fatlaðs fólks og gefa því tækifæri til þess að nýta hæfileika sína og krafta.
Verkefnastjóri er Sara Dögg Svanhildardóttir. Smelltu hér til að senda henni tölvupóst.
Tengt efni
Þroskahjálp 50 ára: Réttindabarátta og réttindagæsla í 50 ár
Landssamtökin Þroskahjálp fagna 50 ára afmæli um þessar mundir. Í tilefni þess stinga fjórir fyrrverandi formenn samtakanna niður penna og rifja upp nokkur af helstu baráttumálum Þroskahjálpar – fyrr og nú. Þetta er fyrsta greinin í ritröðinni, eftir Halldór Gunnarsson.
Þroskahjálp 50 ára: Yfirfærslan 2011 – horft yfir veginn
Landssamtökin Þroskahjálp fagna 50 ára afmæli um þessar mundir. Í tilefni þess stinga fjórir fyrrverandi formenn samtakanna niður penna og rifja upp nokkur af helstu baráttumálum Þroskahjálpar – fyrr og nú. Þetta er önnur greinin í ritröðinni, eftir Gerði Aagot Árnadóttur.
Almanakssalan hafin!
Sala á almanaki Þroskahjálpar 2027 er nú í fullum gangi.