Múrbrjóturinn 2025 — opið fyrir tilnefningar til 18. nóvember

Á hverju ári veita Landssamtökin Þroskahjálp viðurkenningu sína, Múrbrjótinn, í tengslum við alþjóðadag fatlaðs fólks 3. desember.

Þroskahjálp mun afhenda Múrbrjótinn
miðvikudaginn 3. desember 2025
á Kjarvalsstöðum, milli kl. 17 og 19

Viðburður á Facebook

Múrbrjóturinn dregur nafn sitt af því að viðurkenningin er veitt þeim sem að mati samtakanna brjóta niður múra í réttindamálum og viðhorfum til fatlaðs fólks og stuðla þannig að því að það fái tækifæri til að vera fullgildir þátttakendur í samfélaginu og til að lifa eðlilegu lífi til jafns við aðra.

Verðlaunagripurinn er smíðaður á handverkstæðinu Ásgarði þar sem fólk með þroskahömlun starfar.

Frá árinu 1993 hefur Þroskahjálp haldið upp á alþjóðadag fatlaðs fólks og veitt viðurkenninguna.

2024

• Magnús Orri Arnarsson fyrir að vera frábær fyrirmynd sem nýtir styrkleika sína og hæfileika til að láta drauma sína rætast með þrautseigju og dugnað að vopni..
• Haukur Guðmundsson og Aileen Soffía Svensdóttir fyrir framlag sitt með hlaðvarpinu ,,Mannréttindi fatlaðra‘‘.
• Halla Tómasdóttir, forseti Íslands afhenti.

2023

• Dagur Steinn Elvu Ómarsson fyrir baráttu gegn hindrunum sem mæta fötluðu fólki, staðalímyndum um fatlað fólk og öráreiti sem það verður fyrir í daglegu lífi.
• Listvinnzlan fyrir nýjan skapandi vettvang á sviði inngildingar, menningar, menntunar og lista. fyrir baráttu fyrir lista- og menningarlífi án aðgreiningar.
• Sigfús Sveinbjörn Svanbergsson og Agnar Jón Egilsson fyrir heimildaleiksýninguna ,,Fúsi, aldur og fyrri störf.
• Lilja Dögg Alfreðsdóttir, menningar- og viðskiptaráðherra afhenti.

2022

• Lára Þorsteinsdóttir fyrir baráttu fyrir aðgengi að háskólanámi án aðgreiningar.
• Finnbogi Örn Rúnarssson fyrir baráttu fyrir aðgengi að háskólanámi án aðgreiningar.
• Eva Ágústa Aradóttir og Guðlaug Svala Kristjánsdóttir fyrir hlaðvarpsþættina ,,Ráfað um rófið’’ er fjalla um einhverfu frá hinum ýmsum hliðum í daglegu lífi.
• Áslaug Arna Sigurbjörnsdóttir, háskóla-, iðnaðar- og nýsköpunarráðherra afhenti.

2021

• Þórir Gunnarsson fyrir baráttu fyrir aðgengi að listnámi án aðgreiningar og framlag á sviði lista.
• Harpa Björnsdóttir fyrir baráttu fyrir lista- og menningarlífi án aðgreiningar.
• Kristinn Jónasson fyrir mikilvægt framtak og öflugt íþróttastarf í þágu fatlaðra barna.
• Guðmundur Ingi Guðbrandsson, félags- og vinnumarkaðsráðherra, afhenti.

2020

• Veftímaritið Flóra hlaut Múrbrjótinn fyrir að skapa vettvang þar sem reynsluheimur fatlaðra kvenna fær umfjöllun og honum lyft í femínískri umræðu.
• Landssamband ungmennafélaga, LUF, hlýtur Múrbrjótinn vegna framlags í þágu margbreytileikans og jafnra tækifæra fyrir ungt fólk.
• Friðrik Sigurðsson, starfsmaður Þroskahjálpar, afhenti.

2019

• Tabú – femínísk fötlunarhreyfing hlaut Múrbrjótinn fyrir jafningjastuðning fatlaðra mæðra við Freyju Haraldsdóttur í máli hennar gegn Barnaverndarstofu.
• Ásrún Magnúsdóttir, Gunnur Martinsdóttir Schlüter og Olga Sonja Thorarensen hlutu Múrbrjótinn fyrir verkið „Fegurð í mannlegri sambúð“ sem flutt var á Reykjavík Dance Festival.
• Einhverfusamtökin fyrir heimildarmyndina „Að sjá hið ósýnilega“, heimildarmynd um reynsluheim einhverfra kvenna.
• Áslaug Arna Sigurbjörnsdóttir, dómsmálaráðherra, afhenti.

2018

• Ruth Jörgensdóttir Rauterberg og Þorpið, frístundamiðstöð á Akranesi, vegna framlags í þágu margbreytileikans og jafnra tækifæra.
• Geitungarnir, vinnu- og virknitilboð í Hafnarfirði, vegna framlags í þágu aukinna tækifæra fatlaðs fólks á vinnumarkaði.>
• Árni Múli Jónasson, framkvæmdastjóri Landssamtakanna Þroskahjálpar, afhenti.

2017

• María Hreiðarsdóttir fyrir lífssögu sína sem hún segir í bókinni „Ég lifði í þögninni“.
• Jóhanna Sigurðardóttir, fyrrum forsætisráðherra og félagsmálaráðherra, afhenti.

2016

• Myndlistaskólinn í Reykjavík vegna diplómanáms í myndlist fyrir fólk með þroskahömlun og framlags sem felst í þágu jafnra tækifæra til náms og listsköpunar.
• Eliza Jean Reid, forsetafrú, afhenti.

2015

• Aðalheiður Sigurðardóttir fyrir verkefni sitt „Ég er unik“.
• Elín Sveinsdóttir fyrir framleiðslu þáttanna Með okkar augum.
• Elís Kjartansson fyrir innleiðingu nýrra aðferða við rannsókn ofbeldismála gegn fötluðu fólki.
• Eygló Harðardóttir velferðarráðherra afhenti.

2014

• Mæðgurnar Embla Guðrúnar og Ágúsdóttir og Guðrún Hjartardóttir fyrir fræðsluerindið „Af hverju er barnið mitt ekki úti að éta sand?“
• Stígamót fyrir það frumkvæði að ráða sérfræðing í málefnum fatlaðs fólks til starfa.
• Birna Guðrún Baldursdóttir fyrir að starfrækja klúbb fyrir ungmenni á einhverfurófi á Akureyri.
• Eygló Harðardóttir félags- og húsnæðismálaráðherra afhenti.

2013

• Hestamannafélagið Hörður fyrir frumkvöðlastarfs í hestaíþróttum fatlaðra barna og ungmenna.
• GÆS-ar hópurinn fyrir nýsköpun í atvinnumálum fatlaðs fólks.
• Jarþrúður Þórhallsdóttir fyrir að hafa með bók sinni „Önnur skynjun – ólík veröld“ aukið skilningi á einhverfu.
• Illugi Gunnarsson menntamálaráðherra afhenti.

2012

• Ríkisútvarpið fyrir sýningu sjónvarpsþáttanna Með okkar augum.
• Benedikt Bjarnason fyrir frumkvöðlastarf að notendastýrðri persónulegri aðstoð.
• Gísli Björnsson fyrir einarða baráttu fyrir notendastýrðri persónulegri aðstoð.
• Guðmundur Steingrímsson alþingismaður fyrir einarða baráttu fyrir notendastýrðri persónulegri aðstoð fyrir fatlað fólk á Íslandi.
• Jóhanna Sigurðardóttir forsætisráðherra afhenti.

2011

• Með okkar augum hópurinn fyrir sjónvarpsþáttagerð sem stuðlar að breyttri ímynd fatlaðs fólks í samfélaginu.
• Sendiherrar samnings Sameinuðu þjóðanna um réttindi fatlaðs fólks fyrir verkefni sem gerir fatlað fólk sjálft að málsvörum samningsins.
• Sérfræðingarnir fyrir atvinnustefnu sem byggir á styrkleikum einstaklinga.
• Katrín Jakobsdóttir mennta og menningarmálaráðherra afhenti.

2010

• Æfingastöðin á Háaleitisbraut fyrir fjölskyldumiðaða þjónustu sem leggur áherslu á heildræna þjónustu við barnið og fjölskyldu þess og sveigjanleg úrræði.
• Dr. Kristín Björnsdóttir fötlunarfræðingur fyrir samvinnurannsóknir sínar með fólki með þroskahömlun.
• Guðbjartur Hannesson félags- og tryggingamálaráðherra afhenti.

2009

• Norðlingaskóli í Reykjavík fyrir skólastefnu sína um nám fyrir alla nemendur án aðgreiningar.
• Mjólkursamsalan á Selfossi fyrir atvinnustefnu sem hefur stuðlað að aukinni atvinnuþátttöku fatlaðs fólks.
• List án landsmæra sem er menningarhátíð með það hlutverk að stefna saman fötluðum og ófötluðum listamönnum.
• Árni Páll Árnason félagsmálaráðherra afhenti.

2008

• Dr. Guðrún V. Stefánsdóttir sem varði doktorsritgerð sína um lífssögur Íslendinga með þroskahömlun
• Guðbrandur Bogason fyrir að auðvelda fólki með þroskahömlun ökunám.
• Hrannar Björn Arnarson afhenti í fjarveru Jóhönnu Sigurðardóttur félags- og tryggingamálaráðherra.

2007

• Kennaraskóli Íslands fyrir starfstengt diplómunám fyrir fólk með þroskahömlun.
• Guðmundur Árnason ráðuneytisstjóri í fjarveru menntamálaráðherra.

2006

• Freyja Haraldsdóttir fyrir að stuðla að breyttri ímynd fatlaðs fólks með fyrirlstrum sínum í framhaldsskólum
• ASÍ og Hlutverk – samtök um vinnu og verkþjálfun fyrir að hafa unnið ötullega að réttindabaráttu fókls með fötlun á vinnumarkaði.
• Magnús Stefánsson félagsmálaráðherra afhenti.

2005

• Atvinna með stuðningi – Svæðisskrifstofa málefna fatlaðra í Reykjavík, svæðisskrifsofa málefna fatlaðra á Reykjanesi og Félagsþjónustan á Akureyri fyrir að vinna markvisst að því að skapa fötluðu fólki atvinnutækifæri með stuningi.
• Grétar Þorsteinsson forseti ASÍ og Ingimundur Sigurpálsson formaður Samtaka atvinnulífsins afhentu.

2004

• Íþróttasamband fatlaðra vegna öflugrar starfsemi í 25 ár.
• Leikskólinn Kjarrið vegna starfsmanna- og uppeldisstefnu sinnar.
• Þorgerður Katrín Gunnarsdóttir menntamálaráðherra afhenti.

2003

• Garðar Sverrisson formaður ÖBÍ vegna samnings um aldurstengingu grunnlífeyris örorkubóta.
• Fjölmennt, fullorðinsfræðsla fatlaðra fyrirr öflugt listastarf.
• Landssöfnun Sjónarhóls fyrir átak til betra lífs fyrir sérstök börn.
• Árni Magnússon félagsmálaráðherra afhenti.

2002

• Svæðisskrifstofa málefna fatlaðra á Vesturlandi vegna þjónustu við börn með fötlun og fjölskyldur þeirra.
• Rannveig Traustadóttir dósent við Háskóla Íslands vegna uppbyggingar fræðastarfs í þágu fólks með fötlun.
• Dóra S. Bjarnason dósent við Kennaraskóla Íslands vegna einarðrar baráttu og rannsókna í þágu fólks með fötlun.
• Jóhann Ágúst Sigurðsson prófessor við Háskóla Íslands vegna grundvallarspurninga sinna um siðferði snemmómskoðunar.
• Páll Skúlason háskólarektor afhenti.

2001

• Karl Lúðvíksson vegna uppbyggingar sumardvalar á Löngumýri og starfa að kennslumálum.
• Björn Bjarnason menntamálaráðherra vegna uppbyggingar á fjögurra ára námi fyrir ungmenni með þroskahömlun við almenna framhaldsskóla.
• Átak félag fólks með þroskahömlun vegna baráttu þess fyrir réttindum félagsmanna sinna.
• Ingibjörg Sólrún Gísladóttir borgarstjóri afhenti.

2000

• Akureyrarbær fyrir samþættingu í þjónustu við fatlaða.
• Nemendafélag Borgarholtsskóla vegna samskipunar fatlaðra og ófatlaðra í félagsstarfi.
• Morgunblaðið fyrir góða umfjöllun um málefni fatlaðra og auðlesna síðu.
• Ólafur Ragnar Grímsson forseti Íslands afhenti.

1999

• Svæðisskrifstofa málefna fatlaðra á Austurlandi fyrir stefnu sína í búsetumálum fatlaðra.
• Foldaskóli fyrir markvisst starf við að bjóða fötluðum börnum nám í heimaskóla.
• Tónstofa Valgerðar fyrir árungursríkt menningarstarf með fötluðum.
• Soffía Pálsdóttir æskulýðsfulltrúi hjá ÍTR fyrir árangursríkt samstarf við fatlaða og fjölskyldur þeirra.
• Björn Bjarnason menntamálaráðherra afhenti.