Fulltrúar Þroskahjálpar funduðu í gær með Stafrænu Íslandi, félagsmálaráðuneytinu, Réttindagæslu fatlaðs fólks og Góðvild um það neyðarástand sem skapast hefur vegna þess að stjórnvöld hafa ekki gert ráðstafanir til að tryggja að notkun rafrænna skilríkja sé aðgengileg öllu fötluðu fólki.
Þroskahjálp hefur s.l. 1,5 ár átt í samskiptum við hið opinbera til þess að varpa ljósi á þessa alvarlegu stöðu, en afleiðingarnar eru meðal annars að fólk getur ekki átt samskipti við heilbrigðisyfirvöld í gegnum Heilsuveru, fjármunir þess eru læstir inn á bankabókum og reikningar lenda í innheimtu, og lokað er á ýmis samskipti við stjórnvöld.
Það er ljóst að stjórnvöld hafa dregið lappirnar í þessum málum, enda hafa Landssamtökin Þroskahjálp ítrekað bent á stöðuna í bréfum, umsögnum við frumvörp og stefnur stjórnvalda í stafrænni framþróun og óskað eftir skipun starfshóps þvert á ráðuneyti til að leysa málið. Vandamálið hefur því átt að vera öllum ljóst í lengri tíma og á meðan eru mannréttindi fatlaðs fólks þverbrotin og þátttaka þess í samfélaginu og sjálfstæði skert.
Landssamtökin Þroskahjálp munu fylgja málinu eftir með öllum tiltækum ráðum.
Tengt efni
Þroskahjálp 50 ára: Réttindabarátta og réttindagæsla í 50 ár
Landssamtökin Þroskahjálp fagna 50 ára afmæli um þessar mundir. Í tilefni þess stinga fjórir fyrrverandi formenn samtakanna niður penna og rifja upp nokkur af helstu baráttumálum Þroskahjálpar – fyrr og nú. Þetta er fyrsta greinin í ritröðinni, eftir Halldór Gunnarsson.
Þroskahjálp 50 ára: Yfirfærslan 2011 – horft yfir veginn
Landssamtökin Þroskahjálp fagna 50 ára afmæli um þessar mundir. Í tilefni þess stinga fjórir fyrrverandi formenn samtakanna niður penna og rifja upp nokkur af helstu baráttumálum Þroskahjálpar – fyrr og nú. Þetta er önnur greinin í ritröðinni, eftir Gerði Aagot Árnadóttur.
Almanakssalan hafin!
Sala á almanaki Þroskahjálpar 2027 er nú í fullum gangi.