Ákall frá Þroskahjálp! Þroskahjálp biðlar til íslenskra stjórnvalda og hjálparstofnana að beina sérstakri athygli að þörfum fatlaðra og veikra barna, og fatlaðs fólks almennt, í neyðar- og mannúðaraðstoð á Gaza. Aðeins þannig er mögulegt að uppfylli þær skuldbindingar sem Ísland hefur undirgengist.
Birt þann:
19.05.2025
Ljósmynd: Mahmoud Al-Basos/Reuters
Á árinu 2024 urðu að meðaltali 15 börn á dag fyrir líkamstjóni sem leiddi til varanlegrar fötlunar af völdum sprengjuvopna á Gaza. Þar á meðal aflimana og heyrnarskerðingar. Meira en sextíu og fimm þúsund börn þjást af alvarlegri vannæringu vegna skorts á mat og lækningavörum, sem líklegt er að leiði til fötlunar. Unicef áætlar að á bilinu þrjú til fjögur þúsund börn á Gaza hafi misst einn eða fleiri útlimi. Hvergi í heiminum eru fleiri börn á hvern íbúa sem misst hafa útlim. Fyrir stríðið voru tæplega hundrað þúsund fötluð börn á aldrinum 2–17 ára á Gaza. Einungis 16 af 36 sjúkrahúsum á Gaza eru að hluta til starfandi, sem gerir endurhæfingu og meðferð fyrir fötluð og veik börn nær ómögulega. Heilbrigðiskerfi Gaza er að hruni komið vegna skorts á lyfjum, lækningavörum og starfsfólki. Þetta ástand hefur alvarleg áhrif á líf og heilsu íbúa svæðisins, sérstaklega kvenna og barna. Alþjóðasamfélagið hefur kallað eftir tafarlausum aðgerðum til að tryggja aðgang að mannúðaraðstoð.
Þrátt fyrir alþjóðlega gagnrýni og ákall um að leyfa mannúðaraðstoð, hafa Ísraelsk stjórnvöl hindrað flutning hjálpargagna, þar á meðal nauðsynlegar lækningavörur, inn á Gaza. Alþjóðlegar stofnanir hafa lýst yfir áhyggjum af því að matur og lyf séu notuð sem pólitísk vopn, sem brýtur gegn alþjóðlegum mannúðarlögum og mannréttindasamningum. Það er með öllu ólíðandi að börn og almenningur séu neydd til að búa við þessar hörmulegu aðstæður.
Ákall frá Þroskahjálp
Þroskahjálp biðlar til íslenskra stjórnvalda og hjálparstofnana að beina sérstakri athygli að þörfum fatlaðra og veikra barna, og fatlaðs fólks almennt, í neyðar- og mannúðaraðstoð á Gaza. Aðeins þannig er mögulegt að uppfylli þær skuldbindingar sem Ísland hefur undirgengist, m.a. með fullgildingu samnings Sameinuðu þjóðanna um réttindi fatlaðs fólks og undirritun Amman-Berlín yfirlýsingarinnar sem felur í sér loforð um að hið minnsta 15 prósent fjárframlaga til alþjóðlegra þróunarverkefna nýtist sérstaklega í verkefnum með þarfir fatlaðs fólks að leiðarljósi.
Anna Lára Steindal, framkvæmdastjóri Þroskahjálpar
Landssamtökin Þroskahjálp fagna 50 ára afmæli um þessar mundir. Í tilefni þess stinga fjórir fyrrverandi formenn samtakanna niður penna og rifja upp nokkur af helstu baráttumálum Þroskahjálpar – fyrr og nú. Þetta er fyrsta greinin í ritröðinni, eftir Halldór Gunnarsson.
Landssamtökin Þroskahjálp fagna 50 ára afmæli um þessar mundir. Í tilefni þess stinga fjórir fyrrverandi formenn samtakanna niður penna og rifja upp nokkur af helstu baráttumálum Þroskahjálpar – fyrr og nú. Þetta er önnur greinin í ritröðinni, eftir Gerði Aagot Árnadóttur.
Sala á almanaki Þroskahjálpar 2027 er nú í fullum gangi.
