Múrbrjótur Landssamtakanna Þroskahjálpar var afhentur í dag, en viðurkenningin er veitt þeim sem að mati samtakanna hafa brotið niður múra í réttindamálum og viðhorfum til fatlaðs fólks og stuðlað þannig að því að það fái tækifæri til að vera fullgildir þátttakendur í samfélaginu og til að lifa eðlilegu til jafns við aðra.
Birt þann:
03.12.2020
Múrbrjótur Landssamtakanna Þroskahjálpar var afhentur í dag, en viðurkenningin er veitt þeim sem að mati samtakanna hafa brotið niður múra í réttindamálum og viðhorfum til fatlaðs fólks og stuðlað þannig að því að það fái tækifæri til að vera fullgildir þátttakendur í samfélaginu og til að lifa eðlilegu til jafns við aðra. Verðlaunagripurinn er smíðaður á handverkstæðinu Ásgarði þar sem fólk með þroskahömlun starfar.
Viðurkenningin var veitt í dag í streymi á alþjóðadegi fatlaðs fólks, 3. desember.
Veftímaritið Flóra hlýtur Múrbrjótinn fyrir að skapa vettvang þar sem reynsluheimur fatlaðra kvenna fær umfjöllun og honum lyft í femínískri umræðu. Þrátt fyrir að hafa aðeins starfað í 2 ár hefur tímaritið skapað sér sérstöðu með umfjöllun sinni um jafnrétti og fjölbreytileika. Veftímaritið hefur skapað einstakan vettvang fyrir jaðarhópa til þess að lýsa reynslu sinni og vekja athygli á málstað sínum en fjölmargar fatlaðar konur hafa skrifað pistla og komið fram. Þá hefur tímaritið sérstaklega kallað eftir framlagi fatlaðra kvenna og þannig tryggt að reynsluheimur þeirra fái pláss. Þar á meðal er reynsla fatlaðra kvenna af réttindabaráttu og aktívisma, margþættri mismunun, líkamsvirðingu, sjálfsást og svo mætti áfram telja.
Landssamband ungmennafélaga, LUF, hlýtur Múrbrjótinn vegna framlags í þágu margbreytileikans og jafnra tækifæra fyrir ungt fólk. Í vikunni eftir að ungmennaráð Þroskahjálpar var stofnað hafði Landssamband ungmennafélaga samband við okkur og buðu ráðinu að sækja um aðild að sambandinu, enda tölu þau mjög mikilvægt að sá hópur sem heldur uppi starfsemi ungmennaráðs ætti fulltrúa í LUF sem mundi þannig endurspegla fjölbreytileika mannlífsins betur. Í febrúar fékk ungmennaráðið áheyrnarðild á aðalfundi sambandsins og það var mjög ánægjuleg athöfn í alla staði. Ungmennin sem voru fulltrúar ráðsins fengu mjög góðar móttökur og síðan hefur samstarfið verið afar gott. Tveir fulltrúar úr ungmennaráði eiga sæti í Leiðtogaráði LUF og hafa þeir verið sérstaklega ánægðir með samstarfið og hversu opnir aðrir fulltrúar í ráðinu eru fyrir hugmyndum og ábendingum um hvernig eigi að tryggja að sem fjölbreyttastar raddir fái að heyrast, tillit sé tekið til ólíkra þarfa allir njóti verðleika og réttinda sinna.
Landssamtökin Þroskahjálp fagna 50 ára afmæli um þessar mundir. Í tilefni þess stinga fjórir fyrrverandi formenn samtakanna niður penna og rifja upp nokkur af helstu baráttumálum Þroskahjálpar – fyrr og nú. Þetta er fyrsta greinin í ritröðinni, eftir Halldór Gunnarsson.
Landssamtökin Þroskahjálp fagna 50 ára afmæli um þessar mundir. Í tilefni þess stinga fjórir fyrrverandi formenn samtakanna niður penna og rifja upp nokkur af helstu baráttumálum Þroskahjálpar – fyrr og nú. Þetta er önnur greinin í ritröðinni, eftir Gerði Aagot Árnadóttur.
Sala á almanaki Þroskahjálpar 2027 er nú í fullum gangi.
