Á dögunum kynnti mennta- og menningarmálaráðherra sumarnám í framhalds- og háskólum sem er liður í aðgerðunum stjórnvalda til að sporna gegn atvinnuleysi og efla virkni og menntun meðal ungs fólks og atvinnuleitenda. Alls er ráðgert að verja um 500 milljónum króna til að efla sumarnám í háskólum og 117 milljónum kr. til sumarnáms á framhaldsskólastigi.
Birt þann:
28.05.2021
Ljósmynd: Pixabay
Á dögunum kynnti mennta- og menningarmálaráðherra sumarnám í framhalds- og háskólum sem er liður í aðgerðunum stjórnvalda til að sporna gegn atvinnuleysi og efla virkni og menntun meðal ungs fólks og atvinnuleitenda. Alls er ráðgert að verja um 500 milljónum króna til að efla sumarnám í háskólum og 117 milljónum kr. til sumarnáms á framhaldsskólastigi.
Landssamtökin Þroskahjálp telja miður að þessar aðgerðir taka ekki tillit til þarfa ungs fólks með þroskahömlun sem stundar nám á starfsbrautum. Þá sætir það furðu að ekki sé gert ráð fyrir fjármagni í þær menntastofnanir sem þó eru að bjóða upp á sértækt námsframboð á öðrum skólastigum líkt og Fjölmennt símenntunar og þekkingarmiðstöð fyrir fatlað fólk. Þá gera sárafá tækifæri fólks með þroskahömlun til háskólanáms það að verkum að þau eru sjálfkrafa útilokuð frá námskeiðum á háskólastiginu.
Landssamtökin Þroskahjálp lýsa yfir vonbrigðum með að tækifæri ungs fólks með þroskahömlun séu ekki tryggð til jafns við aðra og krefjast þess að úr því verði bætt.
Landssamtökin Þroskahjálp fagna 50 ára afmæli um þessar mundir. Í tilefni þess stinga fjórir fyrrverandi formenn samtakanna niður penna og rifja upp nokkur af helstu baráttumálum Þroskahjálpar – fyrr og nú. Þetta er fyrsta greinin í ritröðinni, eftir Halldór Gunnarsson.
Landssamtökin Þroskahjálp fagna 50 ára afmæli um þessar mundir. Í tilefni þess stinga fjórir fyrrverandi formenn samtakanna niður penna og rifja upp nokkur af helstu baráttumálum Þroskahjálpar – fyrr og nú. Þetta er önnur greinin í ritröðinni, eftir Gerði Aagot Árnadóttur.
Sala á almanaki Þroskahjálpar 2027 er nú í fullum gangi.
