Þroskahjálp hefur óskað eftir því við Reykjavíkurborg að fá afhentar upplýsingar um þá einstaklinga sem voru á biðlista eftir húsnæði fyrir fatlað fólk þann 1. apríl 2023.
16. júní 2021 féll dómur í Héraðsdómi Reykjavíkur þar sem einstaklingur sem hafði verið á biðlista eftir húsnæði lengi og ekki getað nálgast upplýsingar um stöðu sína á biðlistanum ætti rétt á skaðabótum vegna biðarinnar.
Þroskahjálp telur að það séu fleiri einstaklingar í sambærilegri stöðu. Tilgangur þess að óska eftir þessum upplýsingum frá Reykjavíkurborg er að samtökin geti sett sig í samband við einstaklinga sem eru á biðlista og skoðað með þeim mögulega réttarstöðu þeirra.
Til að gæta að persónuverndarlögum hefur Reykjavíkurborg nú sent bréf á alla einstaklinga sem voru á biðlista þann 1. apríl 2023 og beðið um skriflegt leyfi til að afhenda Þroskahjálp þessar upplýsingar.
Við viljum hvetja einstaklinga sem hafa fengið bréf frá Reykjavíkurborg til þess að skila inn samþykki eða að hafa beint samband við samtökin á netfangið throskahjalp@throskahjalp.is.
Tengt efni
Þroskahjálp 50 ára: Réttindabarátta og réttindagæsla í 50 ár
Landssamtökin Þroskahjálp fagna 50 ára afmæli um þessar mundir. Í tilefni þess stinga fjórir fyrrverandi formenn samtakanna niður penna og rifja upp nokkur af helstu baráttumálum Þroskahjálpar – fyrr og nú. Þetta er fyrsta greinin í ritröðinni, eftir Halldór Gunnarsson.
Þroskahjálp 50 ára: Yfirfærslan 2011 – horft yfir veginn
Landssamtökin Þroskahjálp fagna 50 ára afmæli um þessar mundir. Í tilefni þess stinga fjórir fyrrverandi formenn samtakanna niður penna og rifja upp nokkur af helstu baráttumálum Þroskahjálpar – fyrr og nú. Þetta er önnur greinin í ritröðinni, eftir Gerði Aagot Árnadóttur.
Almanakssalan hafin!
Sala á almanaki Þroskahjálpar 2027 er nú í fullum gangi.