Bryndís Snæbjörnsdóttir, formaður Landssamtakanna Þroskahjálpar, hefur verið kjörin varaformaður Inclusion Europe en hún er nú stödd í Brussel á fundi samtakanna.
Inclusion Europe eru samtök sem Þroskahjálp eiga aðild að og berjast fyrir réttindum fólks með þroskahömlun til þess að njóta fullra réttinda og taka þátt í samfélaginu með fjölbreyttum hætti. Þá leggja samtökin áherslu á að fjölskyldur fólks með þroskahömlun fái að vera það — fjölskyldur þeirra — og að fólk með þroskahömlun og fjölskyldur þeirra séu inni í allri ákvörðunartökum sem varða þeirra mál.
Á síðasta ári var áhersla samtakanna á réttinn til þess að kjósa, en víða í Evrópu er fólk með þroskahömlun svipt sjálfræði og fær því ekki að kjósa. Á Íslandi hefur barátta Þroskahjálpar verið að fatlað fólk fái sjálft að velja hver aðstoðar það í kjörklefanum.
Í ár er áherslan á viðeigandi menntun. Í Evrópu eru börn víða vistuð á stofnunum og fá ekki að ganga í skóla.
Við óskum Bryndísi innilega til hamingju með kjörið!
Tengt efni
Þroskahjálp 50 ára: Réttindabarátta og réttindagæsla í 50 ár
Landssamtökin Þroskahjálp fagna 50 ára afmæli um þessar mundir. Í tilefni þess stinga fjórir fyrrverandi formenn samtakanna niður penna og rifja upp nokkur af helstu baráttumálum Þroskahjálpar – fyrr og nú. Þetta er fyrsta greinin í ritröðinni, eftir Halldór Gunnarsson.
Þroskahjálp 50 ára: Yfirfærslan 2011 – horft yfir veginn
Landssamtökin Þroskahjálp fagna 50 ára afmæli um þessar mundir. Í tilefni þess stinga fjórir fyrrverandi formenn samtakanna niður penna og rifja upp nokkur af helstu baráttumálum Þroskahjálpar – fyrr og nú. Þetta er önnur greinin í ritröðinni, eftir Gerði Aagot Árnadóttur.
Almanakssalan hafin!
Sala á almanaki Þroskahjálpar 2027 er nú í fullum gangi.