Þær breytingar hafa orðið á skrifstofu Landssamtakanna Þroskahjálpar að Árni Múli Jónasson hefur tekið að sér verkefni fyrir samtökin Transparency International á Íslandi í hlutastarfi. Hann mun því tímabundið láta af störfum sem framkvæmdastjóri Landssamtakanna Þroskahjálpar en heldur áfram sem lögfræðingur og verkefnastjóri hjá samtökunum. Í fjarveru hans mun Friðrik Sigurðsson taka við framkvæmdastjórastarfinu, en hann er öllum hnútum kunnugur sem fyrrum framkvæmdastjóri samtakanna í áraraðir.
Mörg spennandi verkefni eru á kortunum hjá Landssamtökunum Þroskahjálp á árinu 2021 og við hlökkum til að halda baráttunni fyrir hagsmunum, tækifærum og réttindum fatlaðs fólks áfram með ykkar stuðningi!
Tengt efni
Þroskahjálp 50 ára: Réttindabarátta og réttindagæsla í 50 ár
Landssamtökin Þroskahjálp fagna 50 ára afmæli um þessar mundir. Í tilefni þess stinga fjórir fyrrverandi formenn samtakanna niður penna og rifja upp nokkur af helstu baráttumálum Þroskahjálpar – fyrr og nú. Þetta er fyrsta greinin í ritröðinni, eftir Halldór Gunnarsson.
Þroskahjálp 50 ára: Yfirfærslan 2011 – horft yfir veginn
Landssamtökin Þroskahjálp fagna 50 ára afmæli um þessar mundir. Í tilefni þess stinga fjórir fyrrverandi formenn samtakanna niður penna og rifja upp nokkur af helstu baráttumálum Þroskahjálpar – fyrr og nú. Þetta er önnur greinin í ritröðinni, eftir Gerði Aagot Árnadóttur.
Almanakssalan hafin!
Sala á almanaki Þroskahjálpar 2027 er nú í fullum gangi.