BJÖRG – bjargráð tilfinningastjórnunar fyrir fólk með þroskaraskanir
(The Emotion Regulation Skills System for Cognitively Challenged Clients)
Á námskeiðinu kennir Dr. Julie Brown aðferðir sem hún hefur þróað í því skyni að aðstoða fólk sem á í erfiðleikum með að stjórna hegðun sinni og tilfinningum.
Aðferðirnar byggjast á díalektískri atferlismeðferð og hafa verið lagaðar að þörfum fólks með margvíslegar þroskaskerðingar og/eða geðraskanir.
Námskeiðið er ætlað fagfólki og stjórnendum sem vinna við að styðja fólk með skertan þroska.
Kennslan fer fram með fyrirlestrum og þjálfun í hópavinnu. Þátttaka í námskeiðinu veitir heimild til að nota aðferðina hér á landi.
Meðal námskeiðsgagna er grunnbók Dr. Brown á ensku með ítarlegri lýsingu á notkun aðferðarinnar auk íslenskrar þýðingar á náms- og kennslugögnum fyrir þá sem vilja nota aðferðina í vinnu sinni hér á landi.
Námskeiðið fer fram á ensku. Takmarkaður fjöldi þátttakenda. Þátttökugjald er kr. 80 þús. ef skráning fer fram fyrir 1. september en kr. 90 þús. eftir það. Innifalið í gjaldinu er kennsla og þjálfun, kaffi og hádegismatur námskeiðsdagana, grunnbók á ensku, auk aðgangs að íslenskum þýðingum á náms- og kennslugögnum.
Skráning hér
Tengt efni
Þroskahjálp 50 ára: Réttindabarátta og réttindagæsla í 50 ár
Landssamtökin Þroskahjálp fagna 50 ára afmæli um þessar mundir. Í tilefni þess stinga fjórir fyrrverandi formenn samtakanna niður penna og rifja upp nokkur af helstu baráttumálum Þroskahjálpar – fyrr og nú. Þetta er fyrsta greinin í ritröðinni, eftir Halldór Gunnarsson.
Þroskahjálp 50 ára: Yfirfærslan 2011 – horft yfir veginn
Landssamtökin Þroskahjálp fagna 50 ára afmæli um þessar mundir. Í tilefni þess stinga fjórir fyrrverandi formenn samtakanna niður penna og rifja upp nokkur af helstu baráttumálum Þroskahjálpar – fyrr og nú. Þetta er önnur greinin í ritröðinni, eftir Gerði Aagot Árnadóttur.
Almanakssalan hafin!
Sala á almanaki Þroskahjálpar 2027 er nú í fullum gangi.