AUÐLESIÐ | Stjórn Þroskahjálpar óánægð með samninga sveitarstjórna
Stjórn Þroskahjálpar skoðaði samninga frá nýjum sveitarstjórnum á Íslandi. Stjórn Þroskahjálpar er óánægð með þessa samninga.
Birt þann:
01.07.2022
Ályktun frá stjórn Þroskahjálpar, 1. júlí 2022
Stjórn Þroskahjálpar skoðaði samninga
frá nýjum sveitarstjórnum á Íslandi.
Stjórn Þroskahjálpar er óánægð með þessa samninga.
Í maí var kosið í sveitar-stjórnar-kosningum.
Þá var fólk kosið til að stjórna bæjum og borgum á Íslandi.
Til dæmis Akureyri, Hveragerði og Reykjavík.
Þessar nýju sveitarstjórnir skrifuðu samninga
um það sem þau vilja gera næstu 4 ár.
Þessir samningar heita málefna-samningar.
Stjórn Þroskahjálpar skoðaði alla málefna-samninga
frá þessum nýju sveitarstjórnum.
Stjórn Þroskahjálpar er óánægð með þessa samninga.
Í samningunum er lítið skrifað um fatlað fólk.
Til dæmis er:
- lítið skrifað um réttindi fatlaðs fólks.
- lítið skrifað um tækifæri fyrir fatlað fólk.
- lítið skrifað um hagsmuni fatlaðs fólks.
Fólk í sveitarstjórnum skrifar þessa samninga.
Þau ákveða líka hvaða þjónustu
sveitarfélag veitir.
Það er alvarlegt að fólk í sveitarstjórnum
hugsi ekki um fatlað fólk.
Sveitarfélög eiga að tryggja góða þjónustu
og stuðning fyrir fatlað fólk.
Lög og reglur á Íslandi segja það.
Sveitarfélög eiga að fylgja samningi Sameinuðu þjóðanna
um réttindi fatlaðs fólks.
Stjórn Þroskahjálpar vill að sveitarstjórnir á Íslandi
hugsi um málefni fatlaðs fólks.
Það á að tryggja fötluðu fólki tækifæri og stuðning
til lífs án aðgreiningar.
Hér eru mál sem stjórn Þroskahjálpar
finnst vanta í málefna-samningana
um réttindi fatlaðs fólks á Íslandi:
Húsnæði og sjálfstætt líf
Fatlað fólk hefur rétt á sínu eigin heimili.
Fatlað fólk hefur rétt á stuðningi, til dæmis NPA.
Viðeigandi aðlögun
Manneskja hefur rétt á þjónustu eða stuðningi sem passar henni.
Þetta er kallað viðeigandi aðlögun.
Frumkvæðisskylda
Fatlað fólk hefur rétt á að fá upplýsingar
um réttindi sín.
Til dæmis upplýsingar frá sveitarfélögum
um þjónustu sem er í boði.
Notenda-samráð við fatlað fólk
Sveitarfélög eiga að tala við fatlað fólk til heyra skoðanir þeirra
og um þeirra lífsreynslu.
Notenda-samráð þýðir að fatlað fólk tekur virkan þátt
í að ákveða hvernig þjónustan á að vera.
Notenda-samráð við fatlað fólk hjálpar sveitarfélögum
að taka góðar ákvarðanir.
Aðgengismál
Fatlað fólk hefur rétt á upplýsingum á máli sem þau skilja.
Auðlesið mál hjálpar fötluðu fólki að vera sjálfstætt
og taka þátt í samfélaginu.
Skóli án aðgreiningar
Fatlað fólk hefur rétt á að vera í skóla.
Til þess að það sé hægt þarf skólastarf
að bjóða upp á góða þjónustu.
Skólastarf á að vera opið öllu fólki.
Réttindi fatlaðra barna
Fötluð börn og fötluð ungmenni hafa rétt á
að stunda íþróttir og tómstundastarf.
Atvinnumál
Fatlað fólk hefur rétt á fleiri tækifærum á vinnu-markaði.
Fatlað fólk hefur rétt á að nýta hæfileika sína.
Tengdar greinar
Yfirlýsing vegna geðendurhæfingar ungs fólks
Landssamtökin Þroskahjálp hafa ásamt Geðhjálp, Einhverfusamtökunum, Píeta samtökunum og Geðlæknafélagi Íslands sent frá sér yfirlýsingu vegna yfirvofandi lokunar á geðendurhæfingarúrræðinu Janusi. Við skorum á ríkisstjórnina að endurskoða þessa ákvörðun og tryggja lífsbjargandi þjónustu fyrir viðkvæman hóp.
Áskorun til nýkjörinna alþingismanna
Áskorun Þroskahjálpar varðandi réttinda- og hagsmunamál fólks með þroskahömlun og/eða skyldar fatlanir, send formönnum flokka sem fengu fulltrúa kjörna á Alþingi í nýliðnum kosningum.
Ályktanir fulltrúafundar Þroskahjálpar 2024
Fulltrúafundur Landssamtakanna Þroskahjálpar var haldinn laugardaginn 19. október síðastliðinn.á Grand Hótel Reykjavík. Hér birtast þær ályktanir sem voru samþykktar á fundinum. Ályktanirnar eru einnig á auðlesnu máli.